كليمة خفيفة هدان

الصباح سمعت محمد بوغلاب يحكي على موضوع هدان البناءات التابعة للوتلى في سوسة……… وكيفاش العملية هذي مقصودة لان التجاوزات موش كان في سوسة.. والخ والخ .

.حماس محمد بوغلاب عجبني ..وقلت والله صح ليه ….عندو شمس اف ام يدافع بيها على جيهتو…والناس الكل يسمعو في الإذاعة….

هدان البني يوجع ..لكن اقل خطورة من هدان اخر…….. لان البني اللي يتهد..ينجم يرجع
الهدان اللي نحكي عليه هو هدان الذات……. والا الشخصية.. وهدان التاريخ والحضارة

صفاقس …..اكثر مدينة معرضة لهدان شخصيتها وتاريخها . بعد ما هدو مستقبلها…

190 يوم وهي تحت الزبلة واجتماعات وندوات وهات وهات ..والنتيجة صفر …بل اخطر سموم في الهواء والماء والتراب

مصب زبلة تعمل في قلب المدينة……. والبلدية ما زالت تصب فيه

وزارة التجهيز تواصل في جريمتها ..وماشي تذبح ألمدينة من الوريد للوريد …….بالقسط الثالث للمدخل الشمالي الجنوبي…… والسبدة الوزيرة مواصلة تنكيلها بصفاقس ولا من سامع

طرقات مدمرة

حركة سير تفلق الأعصاب

زعمة تلقاو اكثر من هذا الهدان

اش خص لوكان بوغلاب صفاقسي… والا عندنا واحد كيفو في إذاعة في الاذا اعات راهو تكلم عليها

بعد اللي الصفاقسية هو ما بيدهم ……ولاو مشاركين في الجريمة بسكاتهم.. والنضال متاعهم ……….يا اما فيسبوك……و الا اذا طارت يقلك يعطيك الصحة على تعمل فيه

50 الف مشارك في صحفة سكر السياب ..شطرهم. .. يتحرك ..البلاد تتزعزع..
رجل كالف .. و50 الف ك …اف

بالمناسبة الوالي ..وقتاش ماشي بتعيين..والا معتمد يكفي وزيادة

اهو الهدان على قاعدة

من الاخر وفي الاخر

البورطو موش مصب

يزي من الهدان

الكاتب

حافظ الهنتاتي

See author's posts