صفاقس / شاهد عيان

تواصل ازمة الزبالة …الى متى ??? تحولت خلال الساعات الفارطة لمدينة صفاقس بواسطة سيارتي لإيصال ولية عهدي لمواصلة دراستها الجامعية بعد انتهاء العطلة المدرسية والجامعية .

وصلت عاصمة الجنوب عبر الطريق السيارة الرابطة بين مدينة قابس ومدينة صفاقس واغتنمت الفرصة لأجوب ، عدة طرق فرأيت ،وياليتني ما رأيت ،،،رأيت أكوام الزبالة منشورة مفروشة هنا وهناك والقطط فيها ترتع ،،،،تألمت لما آلت اليه الأوضاع البيئية بشأن مدينة في الجمهورية التونسية .

هذه الأوضاع الكارثية دفعتني للاتصال بصديق صحفي حافظ الهنتاتي عرف باهتمامه الكبير بمسائل البيئة والمحيط وبعد حوارنا وحدينا حول ما شاهدته من تراكم الفضلات أمدني بهذه التدوينة عبر الميسنجر التي كتبها بلغة مزدوجة بالفصحي والدارجة تحت عنوان اغتصاب.

ما تقولوليش العنوان مثير .. لا يا سيدي ……ما تقولو ليش كون بوزيتبف
وما تقولوليش يزي من الحديث عن الزبلة في صفاقس
انتم قعدتو 3 ايام … شفتو الحالة ……اما احنا في صفاقس عندنا 180 يوم
العنوان يصور وضعية صفاقس …6 شهور وازمة الزبلة متواصلة .. ولا حياة لمن تنادي اكثر من 70 الف طن من الزبلة ……. تجمعت في بورطو الصيد البحري والبقية قدهم في الطبيعة .
وبلدية صفاقس اللي كانت تهز في 300 طن يوميا…… ولات تهز في 400 لان متساكني البلديات المجاورة ولاو يهبطو الزبلة في كراهبهم للمدينة …
ياسيدي بالصوت العااااااااااالي
البورطو موش مصب

المسؤولين اللي خلقوا الازمة ……..هم اللي يحبو يرجعو البورطو مصب ……وباش يهذبوها …. يسميوها …… نقطة تجميع في انتظار المصب الجديد… واستنى يادجاجة .. 6 شهور والدولة عاجزة .. في بالكم في ايام ماشي تلقاو حل
انكم عاجزين .. انكم غير قادرين .. انه اغتصاب لمدينة …….ولجهة ……والجميع يتفرج وبرشا مشاركين في الجريمة اللي تم التخطيط ليها منذ سنوات .. وتحبوش تسمعو صراخ المغتصبة
البورطو موش مصب

مصب البورطو يبعد اقل من كلم على قصر البلدية …
والجميع يتفرج
كرهتونا في بلادنا وفي مديتنا
بكل الوانكم واطيافكم
سيعلن التاريخ كل من عمل على تواصل عملية الاغتصاب
البورطو موش مصب

مانيش من هواة التفسير بالمؤامرة لكن ماهو التفسير ل6 اشهر من ازمة الزبلة …… من دون حل ولا وجود لحل في الافق حتى بعد 10 سنين

لو كان نقول مؤامرة ضد صفاقس…… توا نعطيكم قدر وقيمة …… لان اللي يعمل المؤمرات عندو دهاء وقدرة على التخطيط شوية ذكاء وفطنة
من اليوم لازم اطلاق حراك البورطو موش مصب .. اش بيه قعدت كان صفاقس اللي ما رفعتش الشعار هذا

البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب
البورطو موش مصب

وانا استعد لمغادرة موطني صفاقس املي ان تنتهي هذه المعاناة في اقرب الاجال وكل خوفي ان تسير الامور الي طريق …..مسدود ..وهذا ما لا اتمناه ….