كليمة خفيفة …رقم 69

بعض الخويان كي عرفو انو وزيرة التجهيز ماشي تزور صفاقس.اليوم طرحو…… برشا أسئلة وخاصة على مشروع تبترورة ….. اللي لليوم معرفتش علاش تابع لوزارة التجهيز كي الحبس ….بعد ما كملت اشغال الاستصلاح … موش الاستثمار مثلا

السيدة الوزيرة ماللي جات ما عملت شيء في تبرورة ..كان في حركة سريعة تقول عليها النار شعلت ..عينت مدير عام جديد…وجابت واحد من القجر
وعمرها كا قلتنا علاش غيرت ولواش غيرت . واش نوا البرنامج الجديد في المشروع ..

.يا سيدي والا يا للا… خير
.مانيش ماشي نطلب منك حتى شء لتبرورة ..
لانك كيما غيرك ….ما شي تكون رقم لوزير زار المشروع وروح ..وعليكم السلام

اما بالاهي تنجمش نقولونا علاش
طريق المحرس متعطلة من عام 12
والجزء الشمالي مناع المدخل الجنوبي الشمالي متعطل ….توا عندو برشا والشركة اللي تخدم فيه شركة الدولة امورها ما هياش
وعلاش برنامجك ما تضمنتش الجزء الاوسط اللي تحب وزارتك تقطع بيها اوصال مدينة عمرها مئات السنين ..رغم وعد الوزير اللي قبلك بدراسة

الموضوع مع كل الاطراف
سيدة الوزيرة نعرف كان…… تكلمت…….. ما شي تقولونا برشا كلام كي اللي سبقوك
وظاهرلي ماش تكون رقم 69 من الوزارء اللي زارو تبرورة
ونعرف انك ما تحكمش ايه ما تحكمش ..الدولة العميقة اللي عندك هي اللي تقرر
وهي الللي قالت تحب مخطط مديري ..وبعد سنوات قالت با مخطط تفصيلي ..وبعد تراجعت تحب مخطط مديري ..حوس تفهم

اي سيب عليك…… واذا تحب تسجل نجاحات بتدشين بعض المشاريع
قال ابو الفتوح الحمداني …. لن ننطلي

وزارة التجهيز……. موش زادة مسؤولة مع وزارة البيءة …….على ملف للزبلة …..والا خاطيك ….كيف المدير الجهوي متاعك.
قال لطفي بوشناق
يا للي وينك …

الكاتب

حافظ الهنتاتي

See author's posts